Butattah
Khanno dia pun
Kham khuppok pakhda nengis
Jak selang bidang khuang
Jak suku unggal paksi
Sai nengis ya musenang
Sai tukhuk jadi saksi
Canang mulai budetang
Budetang kaunang unang
Jak jaoh jak pasuk ni
Jo canang hacak ya tanno
Kittu bang lain canang
Mak canang hacak ya tanno
Hinno sai kekhamahan
Canang kepaksian pernong
Warisan kanjak saka
Sapa nengis ya minong
Sapa ngaliak ya hila
Canang sepungguk khayu
Melibukh didunia
Sapa nengis ya khindu
Telaju pedom saka
Indani tupai tanoh
Disebekhang ni lautan
Sapa nengis ya iwoh
Pedom mundukh nginongan
Sikindua jo dija
Dikayin tian khuppok
Tiyan khuppok sai batin
Sai batin ni sai batin
Sai batin paksi pak sekala brak
Sai batin kepaksian pernong
Haga ngebakhko adok demi cakha pengadok
Nengis cawa kemanno
Kutulak skindua
Ngucakko mawat pandai
Kedua mak kuwawa
Ketelu mak kehalu
Keepak mak kebukak
Kelima mak biasa
Keenom mak ke angon
Kepitu mak kebindu
Kidang payu do khayya
Nyin kham khuppok ngelajuko guai
Nyom sinyom lalang sinyom
Ipon tandok suwasa
Lamon ulun sai nalom
Mak dikayin saibatin dija
Nyom sinyom lalang sinyom
Ipon mas kebelah kanan
Lamon sai mupunalom
Kidang skindua sai manan
Ngebalakko tayuhan
Dikhani kebian sinji
Temon hanjak mupappan
Kuppul unyin minak muakhi
Sukur kik sangon pandai
Lehot sikam tah salah
Sai nambi muli mekhanai
Jak tanno babbai khik khagah
(Pembacaan SK adat)
Dekhai dekhai ngelahai
Babbai nyepok penyapu
Cuba tengis kutti pai
Adok sai nomor satu
Khayya kik injuk Atin Beliauan
(Nama) jo buadok (gelar adatnya)
Puunn kham khuppok pakhda nengis
Dang ngelagok di kijing
Sangon sekhaba tikkak
Tattu ya timbang mikhing
Kik babbai mak ti cacak
Khayya kik injuk Gusti Batin
(Nama) jo buadok (gelar adatnya)
Puunn kham khuppok pakhda pandai
Indani tupai tanoh
Kena sembetik lihai
Jak tanno sappai jimmoh
Adok haga tipakai
Kik menukhut kutti pai
Sai kejung sai balikni
Kidang hattak ija pai
Waktu na jo sebagi
Dekap dekap mehuap
Seluang di way maja
Skindua kilu mahap
Kik salah tata cakha
